ସାଂସଦ ଆଦର୍ଶ ଗ୍ରାମ ଯୋଜନାର ଶୁଭାରମ୍ଭ ଭାରତ ସରକାରଙ୍କ ଗ୍ରାମ୍ୟ ବିକାଶ ମନ୍ତ୍ରଣାଳୟ ଦ୍ୱାରା ୨୦୧୪ ମସିହା ଅକ୍ଟୋବର ମାସ ୧୧ ତାରିଖରେ କରାଯାଇଥିଲା। ଏହି ଯୋଜନାଟି ମହାତ୍ମା ଗାନ୍ଧୀଙ୍କ ପ୍ରଦର୍ଶିତ ନୀତି ଓ ଆଦର୍ଶ ଦ୍ୱାରା ଅନୁପ୍ରାଣିତ ଗ୍ରାମ୍ୟ ଅଧିବାସୀମାନଙ୍କ ମଧ୍ୟରେ ଦେଶାତ୍ମବୋଧ, ଆତ୍ମବିଶ୍ୱାସ ଓ ସାମୁହିକ ଚେତନା ଜାଗ୍ରତ କରାଇବା ସଙ୍ଗେ ସଙ୍ଗେ ବିଭିନ୍ନ ଉନ୍ନୟନମୂଳକ କାର୍ଯ୍ୟ ସମ୍ପାଦନ କରିବା ଏହି ଯୋଜନାର ଲକ୍ଷ୍ୟ ଅଟେ । ଏହା ଗ୍ରାମୀଣ ଭାରତର ଆତ୍ମାକୁ ଅକ୍ଷୁଣ୍ଣ ରଖିବା ସହ ଏହାର ଅଧିବାସୀମାନଙ୍କୁ ସର୍ବନିମ୍ନ ସୁବିଧା ସୁଯୋଗ ଯୋଗାଇଦେଇ ସେମାନଙ୍କୁ ନିଜେ ନିଜର ଭାଗ୍ୟ ବିଧାତା ହେବା ନିମନ୍ତେ ସହଯୋଗ କରିବା ଏହି ଯୋଜନାର ମୂଳମନ୍ତ୍ର ।

ସାଂସଦ ଆଦର୍ଶ ଗ୍ରାମ ଯୋଜନା, ଗ୍ରାମଗୁଡିକର ବିକାଶ ନିମନ୍ତେ 8 ଟି କ୍ଷେତ୍ର ଉପରେ ଗୁରୁତ୍ୱ ଦେଇଥାଏ ଯାହା ହେଉଛି ମୌଳିକ ସୁବିଧା, ସାମାଜିକ ବିକାଶ, ମାନବ ବିକାଶ, ପରିବେଶ ବିକାଶ, ବ୍ୟକ୍ତିଗତ ବିକାଶ, ସାମାଜିକ ସୁରକ୍ଷା, ଅର୍ଥନୈତିକ  ବିକାଶ ଏବଂ ଉତ୍ତମ ଶାସନ | ଚିହ୍ନଟ ଗ୍ରାମପଞ୍ଚାୟତ ମାନଙ୍କରେ ସାଂସଦ ଆଦର୍ଶ ଗ୍ରାମ ଯୋଜନା କାର୍ଯ୍ୟାନ୍ୱୟନ ନିମନ୍ତେ ମୁଖ୍ୟତ ବିଭିନ୍ନ ବିଦ୍ୟମାନ କେନ୍ଦ୍ରୀୟ , କେନ୍ଦ୍ରୀୟ ପ୍ରାୟୋଜିତ ଏବଂ ରାଜ୍ୟ ଯୋଜନାଗୁଡିକର ସମ୍ମିଶ୍ରଣ ଦ୍ୱାରା ସମ୍ପନ୍ନ ହୋଇଥାଏ ।

ଗ୍ରାମୀଣ ବିକାଶ ମନ୍ତ୍ରଣାଳୟ, ଭାରତ ସରକାରଙ୍କ ଦ୍ୱାରା SAGYର ଶେଷ ପର୍ଯ୍ୟାୟ ମାର୍ଚ୍ଚ ୨୦୨୪ ରେ ସମାପ୍ତ କରିବାକୁ ସ୍ଥିର କରାଯାଇଥିଲା। ଅଦ୍ୟାବଧି ଓଡ଼ିଶାର ମାନ୍ୟବର ସଂସାଦମାନଙ୍କ ଦ୍ୱାରା ୨୦୧୪-୨୪ ମଧ୍ୟରେ (ଡିସେମ୍ବର ୨୦୨୪ ସୁଦ୍ଧା) ୨୮ଟି ଜିଲ୍ଲାର ୧୦୬ଟି ଗ୍ରାମପଞ୍ଚାୟତକୁ SAGY ଅଧୀନରେ କାର୍ଯ୍ୟାନ୍ୱୟନ  ପାଇଁ ଚୟନ କରାଯାଇଅଛି । ବିଭିନ୍ନ ଉନ୍ନୟନ ଯୋଜନାଗୁଡିକର ମିଳିତ ସହଯୋଗରେ ଏହାର କାର୍ଯ୍ୟକାରିତା ପାଇଁ ୩୨୯୫ ଗୋଟି ପ୍ରକଳ୍ପ ହାତକୁ ନିଆଯାଇଛି, ଯେଉଁଥିରୁ ୨୭୪୨ ଟି ସମ୍ପୂର୍ଣ୍ଣ ହୋଇଛି, ଯାହାର ୮୩ % କାର୍ଯ୍ୟାନ୍ୱୟନ ହୋଇଛି ।  ଅବଶିଷ୍ଟ ପ୍ରକଳ୍ପଗୁଡ଼ିକୁ ଯଥାଶୀଘ୍ର ସଂପୂର୍ଣ୍ଣ କରିବା ନିମନ୍ତେ  ନିର୍ଦ୍ଦେଶ ଦିଆଯାଇଛି  ।